Nuestro lugar y otros poemas ye l’alcuentru ente dos asturianes d’adopción, la poeta Ana Blandiana, premiu Princesa d’Asturies de les Lletres 2024, y la pintora Anka Moldovan que, dende’l 2019, vive y pinta dende un payar remocicáu nel conceyu de Salas.

La sintonía cola que se ven empareyaos cuadros y poesíes, como vamos poder ver nesta esposición, que cunta con sofitu del Institutu Cultural Rumanu de Madrid, fainos sentir qu’ún ye espresión del otru. El poema de Blandiana podría tar espresando cualquiera de les cabeces de muyer o de les figures desdibuxaes del mundu de borrina de Moldovan.