Proyectu de: Ángel Vergara

Artista asturianu, nacíu en Mieres (1958), Ángel Vergara ye’l protagonista d’una trayectoria internacional estensa qu’empezó en Bruseles, la so ciudá d’acoyida dende la infancia. El so espaciu referencial ye la cai, el so entornu sociopolíticu y económicu.

El Ojo Pródigo (El Güeyu Pródigu), comisariada por Ángel Varela, presenta un conxuntu significativu d’obres realizaes na última década nunca enantes mostraes a tan gran escala equí, nel so país d’orixe, y otres producíes y feches n’Avilés pa esta esposición.

Estes obres dan cuenta d’una indagación artística qu’afonda en delles disciplines, navegando ente la performance y el videu-arte, la so práctica abarca la palabra escrita, el dibuxu, el happening, anque toes elles guarden una rellación bien fuerte cola pintura, d’ónde parte’l xeniu creativu de Vergara.

A Ángel Vergara, volviendo a aquelles, esperiencies Fluxus, y a la busca de la provocación, tan necesaria, preséntase-y una pantasma en Venecia en 1988, momentu fundacional na so carrera, el so alter ego, un Straatman varáu, observante, un estudiu ambulante.

Straatman, l’home de la cai, va retratando l’entornu qu’habita, creando les sos radiografíes pictóriques de caúna de les ciudaes que visita, dende Hong Kong a Nueva York, París, Bruseles… y agora Avilés.