El Muséu Barjola presenta Los espacios en blanco, de Virginia Rivas, una esposición onde encara la fraxilidá de la memoria, partiendo de la enfermedá por Alzheimer de so güela.

La muestra, comisariada por Adonay Bermúdez, sostién un discursu al traviés de la pintura, el videu, la fotografía y la instalación, disciplines que van entrar en diálogu cola arquitectura barroca pa crear un percorríu peles complexidaes de la memoria, una esposición íntima que-y pon un altavoz a una enfermedá que davezu queda nel ámbitu familiar y difícilmente s’esterioriza.