Circuitu de cultura tradicional asturiana

Histories de siempre interpretaes por Elisabet Martín. Escoyéronse pa esta sesión histories como la del zurrón máxicu, los figos de la madrasta y otres tamién enraigonaes nel subconsciente colectivu.

Estos cuentos, que cuntaben los güelos y güeles asturianes, tienen versiones cambiantes d’un estremu a otru d’Asturies y, amás, tamién se recueyen histories asemeyaes n’otres zones del mundu.

Cuentos qu’enseñen a defendese de los peligros, qu’acompañen na perda de la inocencia o nel pasu a la edá adulta y que nos averen una vida rural, máxica y ancestral.