Arabella, con música de Richard Strauss, estrenóse’l 1 de xunetu de 1933 na Semperoper de Dresde, con Viorica Ursuleac como protagonista y con Clemens Krauss nel fosu.

El llibretu d’Hugo von Hofmannsthal nárranos la historia d’un noble emprobecíu pol xuegu y enllenu de deudes qu’ufierta la mano de la so fía mayor, Arabella, a pretendientes con perres. D’esta forma tenta de salvar a la so familia de la so situación económica desastrosa. Arabella refuga a tolos sos namoraos, esperando atopar dalgún día al home ideal. Ésti llega na persona d’un provincianu ricu y toscu, ayén al ambiente hipócrita y depraváu de la Viena fin de siècle, cuando l’Imperiu austro-húngaru taba resquebrando. La ópera ye una de les más llíriques de Richard Strauss, el compositor escribe pa que la voz se revele con tola guapura. Arabella ye una comedia elegante con atmósfera d’opereta que dacuando tíñese de señardá. La estrena pasó desapercibida dafechu por cuenta d’un congresu nazi na capital de Saxonia.