Esencia Artesana ye un eventu de calter festivu y divulgativu col que l’Asociación Cultural Mercáu Ecolóxicu y Artesanu tenta de promover y averar l´Artesanía d´Asturies, convidando a la ciudadanía a celebrar los Díes Europeos de l’Artesanía

Esencia Artesana conviértese nuna esperiencia única y irrepetible porque ufierta la oportunidá de conocer y vivir en primer persona los oficios artesanos.

Una esperiencia inmersiva al traviés d´actividades de baldre: talleres participativos, visites guiaes y esposiciones que sorprienden, presten y creen o refuercien l´entendimientu y estima polos valores intrínsecos a l´artesanía.

40 Artesanos, 100 places en talleres gratuitos, alcuentros singulares, intercambios culturales, 20 conceyos participantes, 46 entidaes collaboradores.

Una esperiencia única y irrepetible.