La Fábrica de Sombreros de Xixón, conocida popularmente como La Sombrerera, empezó la producción a primeros del sieglu XX na zona industrial de La Calzada siguiendo los últimos adelantos fabriles de la dómina, y tuvo en funcionamientu hasta últimos de la década de 1950. Foi otra d’eses grandes empreses que, a mediaos del sieglu XIX y bona parte del XX, fixeron del oeste de la ciudá un referente industrial n´Asturies y n´España. Daquella, va cien años, yá producía anualmente unos 350.000 sombreros de fieltru de llana y más de 150.000 de fieltru de pelo; quier dicise, alredor de 1.500 sombreros diarios.

Col cambéu de les modes l´usu del sombreru foi menguando, pesllando la fábrica y siendo ocupaes les sos instalaciones por otres empreses que treslladen ellí l’actividá. L’añu 1988 acaben valtándola pa construyir el primer centru de salú del barriu y bloques de viviendes; igual que les Cases de La Sombrerera, tan populares, construyíes en 1901 pa usales el personal de la fábrica, y valtaes nel añu 2004 pa llevantar edificios nuevos. Con ello entiérrase y piérdese, de nueves, otru restu de la historia y del pasáu industrial de los barrios del oeste de Xixón.