Circuitu d’artes escéniques

Un espectáculu de teatru infantil p’averar a los más pequeños la vida y la obra de Vincent Van Gogh. Viaxamos al París d’últimos del XIX pa conocer la historia d’un artista que vía les coses d’una forma distinta a como les víen los sos contemporáneos.

La música, interpretada en directo, va acompañanos nesti viaxe con cantares que nos ayuden a entender cómo se sentía Vincent en distintos momentos de la so vida. La soledá en París, el nacimientu de los sos famosos xirasoles, la obsesión d’esti pintor pol cielu nocherniegu, van ser dalgunos de los aspectos de la vida de Van Gogh que vamos abordar na nuestra representación.