Circuito de artes escénicas

Ello yera una vez un formigueru nel que vivíen tres formigues: Gabriela, Graciela y Gloria. Tolos díes, de mou organizáu y puntual, desendolcaben les mesmes xeres: trayíen cebera p’almacenar, igüaben el formigueru y suministráben-y tolo necesario pal so funcionamientu. Cuando llegaba la nueche taben tan cansaes que s’echaben y se poníen a roncar. Pela mañana, otra vegada, facíen la so rutina, día tres día, selmana tres selmana, mes tres mes, añu tres añu… Hasta qu’un buen día Graciela traxo consigo dalgo que nun vieren enxamás… Comienza la comunicación, el pensamientu y entama la llibertá individual… ¿Qué pasa entós col formigueru?