Circuitu Autores nel camín 2024

Héctor Braga Corral recibió nel 2023 el Premiu Máximo Fuertes Acevedo d’ensayu n’asturianu cola obra Nel cantu la memoria. Ensayu sobro l’asturianada tradicional.

Héctor Braga Corral (Llangréu, 1980) ye doctor n’Historia del Arte y Musicoloxía pola Universidá d’Uviéu, profesor superior de Música y Etnomusicoloxía polos conservatorios d’Asturies y Castiella-Llión, títulu profesional de Gaita y máster en Comunicación Cultural. Miembru de la Sociedá española de Musicoloxía (SEdeM), ye tamién autor d’una ventena d’artículos d’investigación en revistes especializaes. Nel ámbitu de la interpretación vocal de l’asturianada foi campeón en toles categoríes (aficionaos, renovación y absoluta) y ganador en munchos concursos habíos en Xixón, Mieres o Samartín del Rei Aurelio, ente los años 2007 y 2015. Anguaño dedícase a la docencia.