Proyectu de: la Delegación de Defensa nel Principáu d’Asturies en collaboración con el Conceyu de A Veiga.

Jordi Bru (Pamplona, 1967) ye un fotógrafu profesional dedicáu a la recreación d’exércitos y batalles históriques, dende los Tercios españoles hasta la Segunda Guerra Mundial, pasando peles Guerres Napoleóniques, les Guerres Carlistes y la Guerra Civil Española.

Siempre en busca de la máxima precisión histórica, nel so llabor documéntase con procuru p’algamar recreaciones tan fidedignes como memorables qu’averen a los espectadores a episodios clave de la historia d’España. El so trabayu fotográficu espublízase nel llibru Los Tercios, que xunta les semeyes de Jordi Bru colos testos d’Àlex Claramunt Soto, y Soldados,  con testos de Daniel Aquillué. Na so faceta como colorista dixital, ye coautor con Jesús Jiménez de Sangre en la frente. La Guerra Civil en color.