Branu nel Muséu Arqueolóxicu
Uviéu, 03/07/2024 11:30
Museos y Equipamientos
![Verano en el Museo Arqueológico](/uploads/fotos/kEiTSZnGTacc4r39kWyjzQvZBq4qYmpS.jpg)
Del 3 de xunetu al 29 de setiembre de 2024
Horariu de visita: miércoles a sábadu a les 11:30, 13:00, 17:00 h. Domingos y festivos a les 11:00, 12:15 y 13:30 h.
Preciu: de baldre
El Muséu Arqueolóxicu d’Asturies entama esti branu un programa de visites guiaes cola mira d’averar a la ciudadanía la colección arqueolóxica espuesta.
Los percorríos van ser per delles de les árees temátiques o periodos históricos más relevantes de la Historia d’Asturies dende la Prehistoria a la Edá Media.
El Muséu Arqueolóxicu d’Asturies ye la institución de referencia pa conocer el patrimoniu arqueolóxicu asturianu. Allúgase nun edificiu de simbolismu bien grande na historia de la ciudá d’Uviéu, lo que yera’l monesteriu de San Vicente, del que se conserva un claustru gótico-renacentista del sieglu XVI incluyíu nel itinerariu de visita. Les instalaciones museográfiques modernes repártense a lo llargo de trés espacios onde pueden vese les más de 2.000 pieces espuestes, testimoniu de la evolución de la Historia d’Asturies desque llegaron los primeros pobladores va unos 300.000 años hasta los principios de la Edá Moderna. Ferramientes prehistóriques, oxetos d’arte mueble paleolíticu, resclavos de la minería del cobre de va 5.000 años, tol repertoriu material vinculáu a los castros de la Edá del fierro, la conquista romana, la esplotación del oru, l’Antigüedá Tardía y la colección de pieces d’Arte Prerrománicu constituyen un conxuntu únicu.