Las flores del bien de Jorge Nava
Xixón, 03/07/2024 10:00
Artes Visuales
Circuitu d’artes visuales
![Las flores del bien de Jorge Nava](/uploads/fotos/fGYx9ZpXS6pK9xiuJBQmnQkqgLuSb98i.png)
Del 3 al 31 de xunetu del 2024
Horariu de visita: de llunes a domingu de 10:00 a 14:00 y de 15:30 a 20:00 h.
Un proyectu de: Jorge Nava Temática:
Les flores del bien ye un proyectu espositivu que supón una revisión del xéneru del bodegón y, en concreto, de les flores na pintura contemporánea dende una perspectiva personal y poética.
Col usu de la pintura al oleu en formatu grande y valiéndose d’una técnica espresionista a mediu camín ente la figuración y l’astracción, Jorge Nava encara’l xéneru del bodegón y, en concreto, el de les flores, con llibertá dafechu. El resultáu ye una pintura vitalista y esperimental, ensin bocetos nin imáxenes previes de referencia y onde s’usa l’aumentu d’escala de les flores de forma distinta a como se facía nel conceptu clásicu d’esti xéneru pictóricu.
Según esplica Jorge Nava, l’oxetivu del proyectu ye «crear obres col títulu Les flores del bien, parafrasiando’l famosu llibru de Baudelaire Les flores del mal, pero con un sentíu vitalista dafechu: les mios flores acepten el sentíu tráxicu de la existencia con una actitú vital y hedonista. Tengo presente cómo se pintaron les flores na historia de la pintura, y interésame caltener un diálogu con ella y dar una visión contemporanea y personal vinculada al mio paisaxe interior y tamién al paisaxe (la naturaleza n’Asturies), que siempre ye fonte inagotable d’inspiración pa mi».
Pa Nava, «les flores representen de manera simbólica l’allegría de vivir, el deséu, la guapura, lo efímero de la existencia, la decadencia y la muerte; ye una especie de ciclu vital completu. Pintar flores supón conectase con daqué verdadero y fondo dientro de mi, cola naturaleza de fuera y la de dientro y, en definitiva, ye una celebración de la vida y la pintura».