Una versión bien prestosa del clásicu en forma de teatro musical. 

La fantasía, el color y la imaxinación del títulu orixinal van ser el puntu de partida d´esti viaxe fascinante que va valir pa que Dora s´avere al so gran suañu.
Dora fai unos dibuxos maraviyosos d´espantayos, castiellos de lates de conserva y peluches simpáticos de lleón. El día que la so profesora nueva llega a la escuela, descubre esos dibuxos maraviyosos, y precisamente esi día un tornáu oblígalos a quedar nel aula. 

¿Qué podíen facer pa entretenese? Quiciabes lleer la historia de los dibuxos de Dora. Empieza asina un viaxe fantásticu y maraviyosu que cunta con grandes númberos musicales. ¿Viaxes con nós?