El verbu llatinu colere, del que deriva l´omnipresente conceptu de cultura, tien dos vertientes semántiques: habitar y cultivar. A partir d´estes constrúyese´l campu conceptual que vertebra esti proyectu fotográficu, que busca, al traviés de la muestra de la mirada de 4 fotógrafos y fotógrafes enraigonaos n´Asturies -Kela Coto, Cristina Ferrández, Sergio Abello y Marcos Morilla-, descubrir la fonda rellación del habitar contemporaneu cola arquitectura y el territoriu, reclamando los principios de la Nueva Bauhaus Europea -guapura, sostenibilidá y aunión- como les fuercies qu´han de rexir el colere contemporaneu y futuru.