Circuitu de narración oral

Montesín ye l’adaptación oral y escénica de Montesín, rellatu de l’autora asturiana María Xosefa Canellada, que cunta la historia d’un cabritín perdíu peles tierres qu’arrodien L’Escorial. Del so alcuentru con unos neños y de cómo estos lu curien.

Un micro-espectáculu qu’introduz al espectador nel usu del llinguaxe, les emociones y los títeres, con una vocación pedagóxica y d’animación a la llectura, favoreciendo la creatividá y el desenvolvimientu de la capacidá de xuiciu pente medies d’una actividá prestosa que busca la participación activa del espectador.