Circuitu d’artes escéniques

Azul quier enseñar a Verde un sitiu secretu al que los mayores llamen basureru pirata. Pa elles, ye un sitiu enllenu de posibilidaes onde construyir xuegos nuevos colos oxetos abandonaos que lo enllenen too. Llamándose “basureru pirata” no primero que se convierten ye en pirates, navegando un mar enllenu de basura. Construyen y xueguen a facer teatru, creando una obra onde la basura garra vida en forma de marioneta, a la que llama Gran Basura. Gran Basura muestra primero un mar idílicu onde caballinos de mar, pexes, aguamales, pulpos y una serena viven felices hasta qu’ella acaba nel fondu de la mar y tresforma la vida de tolos seres qu’ellí habiten. Gran Basura conviértese nun problema y ente toos van tener que s’organizar pa sacala de la mar mentes ella reivindica un sitiu afayadizu pa ella, - “un contenedor, acolcháu, si pue ser”-. Remata’l xuegu de la función, y Azul y Verde entienden que tienen que llimpiar el sitiu pa evitar que too eso acabe na mar y van facelo en… ¡una aventura pirata nueva!