B-612 de Teatro del Cuervo
Villaviciosa, 03/05/2024 18:30
Artes Escéniques
Circuitu d’artes escéniques
Xéneru: teatru de solombres y actor
Dirixíu a: público familiar
Duración: 50 minutos
Un cuentu poéticu, cenciellu y fondu con enseñances pa grandes y pequeños. La historia d’El principín llegános al traviés de les lluces, les solombres y los colores proyectaos nel so asteroide, de la mano d’un aviador mui especial perdíu nel desiertu. Vamos viaxar xuntos per planetes imposibles ocupaos por personaxes peculiares que nos van facer ver lo bono que tien ser diferente, lo valioso de la infancia y lo guapo d’escoyer el to camín, equivocándote y too. Un raposu va domesticanos, va facese amigu nuestru, y va dexar de ser un raposu cualquiera, p’aprendenos que’l tiempu que dedicamos a los demás ye lo que los vuelve especiales. Asina, cuando miremos pa les estrelles nun vamos poder escaecer que “Lo esencial ye invisible pa los güeyos”.