Off Niemeyer. Mírame
Avilés, 27/04/2024 20:00
Artes Escéniques
Xéneru: teatru
Dirixío pa: públicu adultu
Duración: 80 minutos
Preciu: 14,40 € pa socios del Club Cultura Asturies
Venta d´entraes: Centru Niemeyer, Casa Municipal la Cultura d’Avilés y Unientradas.es
Mírame ye la tercer parte d’una triloxía que sigue la buelga d’Es mi hombre y de La fruta más sabrosa, pero trátase d’obres independientes que pueden disfrutase por separao. N’ocasiones anteriores, les protagonistes (la Berta y la Reme) yá se nos presentaren como modistes probes de pueblu nos años 50 y como aspirantes a cupletistes nos años 60. En Mírame, asistimos a una revisitación de lluxu de la España de los años 70, el mundu de la revista, les vedettes y el destape con tol so glamour y les sos miseries. Nél, les protagonistes van adientrase nos retos de ser una vedette, van vese sometíes al güeyu ayenu y van remanar esa presion de distintes maneres.