En Veiga (Navia) vamos ver la casa onde’l renomáu asturianu Gaspar Melchor de Xovellanos pasó los sos postreros díes. Nel Muséu Etnográficu del llugar ríndese homenaxe a la vida marinera y campesina de los sos habitantes a lo llargo de los sieglos. Vamos siguir camín del puertu de San Esteban (Muros), primer puertu mineru d’España. Si la marea y l’actividá pesquera del día lo permite, vamos aguardar a los pescadores de la que vuelvan. Xinta prevista na zona del puertu. Pela tarde, paséu pela ría nel barcu La Carmela dende San Esteban a L’Arena (o fadremos la Ruta de los Miradores), acabando con una visita al Mirador del Espíritu Santu, onde vamos disfrutar de vistes espectaculares a la playa de L’Arena y la desembocadura del Nalón.