Vamos empezar l’itinerariu nel Monesteriu de Santa María la Real d’Oubona, un finxu perimportante na ruta xacobea. El batéu del oru tien una tradición llarga nel occidente d’Asturies, porque los astures que vivíen nesta zona yá usaben d’él como única forma de sacar esti metal de los ríos. Navelgas, nel conceyu de Tinéu, ye un llugar referente nacional d’esti deporte y foi sede de dellos campeonatos mundiales. Pela mañana vamos visitar el Muséu del Oru (MOA), onde vamos facer una visita guiada complementada cola visita de la técnica del batéu. Depués de xintar en Tinéu, vamos facer una visita guiada a la ganadería San Luis de Berzana, onde vamos poder descubrir la realidá de l’actividá ganadera asturiana.