L’itinerariu empieza nel Santuariu de la Virxe del Acebu, el segundu santuariu más importante d’Asturies, disfrutando d’una panorámica perguapa de Cangas del Narcea y de la so contorna. Vamos siguir la nuestra visita a Bisuyu, llugar onde los sos habitantes se dedicaben nos más de los casos a la ferrería, fabricando clavos, ruedes de carru, ferradures o aperios. Vamos visitar el mazu de Bisuyu y el Centru de Recepción de Visitantes Alejandro Casona. Vamos xintar en Cangas del Narcea, la capital del conceyu, onde destaca la colexata de Santa María Magdalena y la capiya del Carme. Pela tarde, vamos conocer el Muséu del Vinu y facer una visita guiada al Llagar de San Tisu.