Pela mañana vamos visitar Cuadonga (Basílica y Santa Cueva) pa siguir cola xubida a Los Llagos. Vamos facer una ruta pequeña d’unos 3 km dende Buḥerrera, mina a cielu abierto de la que sacaron fierro y manganesu hasta 1979. Vamos siguir hasta los llagos La Ercina y Enol, ún de los requexos más destacaos del Parque Nacional de Los Picos d’Europa, el primeru declaráu como tal n’España. Depués de xintar en Cangues d’Onís, vamos visitar, yá nel conceyu d’Onís, La Cuevona d’Ovín, onde vamos conocer el Centru d’Interpretación de la Fauna Glacial, que dispón de delles reproducciones a tamañu real de la megafauna qu’habitó la zona mentanto duró’l Pleistocenu.