Vamos facer una visita al Muséu de la Mina d’Arnáu, nel conceyu de Castrillón, la esplotación de carbón mineral más vieya d’España, el pozu vertical más vieyu d’Asturies y la única mina submarina d’Europa. La mina peslló en 1915; el so castillete de madera declaróse Bien d’Interés Cultural y delles de les sos galeríes soterrañes, de más de doscientos años, pueden visitase anguaño. Depués d’esta visita, vamos siguir conociendo’l pueblu marineru d’Arnáu, exemplu d’arquitectura industrial paternalista. Depués de xintar en Salinas, vamos percorrer parte del Paséu Marítimu hasta llegar al Muséu de les Ancles Philippe Cousteau, asitiáu nún de los estremos de la playa. Yá de vuelta y p’acabar esti itinerariu, vamos visitar el cementeriu de La Carriona n’Avilés.