Circuitu d’artes escéniques

Consecuencias de la sed fálanos sobre la reacción humana énte una carencia, sobre’l procesu pel que pasa cualquier persona cuando pierde o-y falta daqué que ye importante pa ella, cuando tien un oxetivu o una necesidá que-y ye imposible cumplir. L’espectáculu llévanos al traviés de les 5 etapes del duelu (negación, ira, negociación, depresión y aceptación), usando la danza como llinguaxe pa narrar el pasu d’una fase a otra. La figura del flautista representa aquello que xenera la carencia, apaeciendo en momentos claves de la dramaturxa, faciéndonos comprender la rellación ente quien sufre la falta y aquello o aquél que la xenera.