Circuitu d‘artes escéniques

Amanez en monte. Ye un día perespecial pa los animales. Ye’l día del Carnaval. El cuquiellu antróxase d’araña, el cisne de conexu perpresumíu, a la tortuga sálen-y ales de la cascariella, el burru tresformase n’unicorniu y el dinosauriu vístese de tucán, ¡qué gran picu! Axúntense pa festexar y baillar hasta que Lleón llega a la fiesta. Un ruxíu y dos y trés fai que salgan apavoríos. Toos-y tienen mieu, pero lo que nun saben ye que’l mayor deséu de Lleón ye xugar con amigos. León camina solitariu pel monte y atopa dellos animales n’apuros a los que nun dulda ufiertar la so ayuda. Vamos descubrir que, a pesar d’esos ruxíos tan grandes, Lleón escuende nel pechu un bon corazón.

Espectáculu inspiráu na pieza musical de Camille Saint-Saëns titulada El carnaval de los animales.