Circuitu de lliteratura

Nesti taller vamos adientranos nel mundu del misteriu, compartiendo una historia que va crear l’ambiente afayadizu.  Los participantes van deprender qué ye un misteriu y qué lu fai emocionante, reconociendo elementos clave como’l detective, los sospechosos, les pistes y la resolución. Van crear los sos detectives propios, decidiendo aspectos como’l nome, traza, personalidá y habilidaes especiales. Tamién van desendolcar la trama, xenerando un escenariu, problema que resolver y sospechosos. Amás, van proporcionar pistes que lleven a la resolución del misteriu, incluyendo dalgunes falses pa esviar l’atención del detective y provocar el suspense. Con too esto, van trabayar una narrativa que-yos va dexar escribir les sos histories propies, pa depués ilustrales con dibuxos.