Circuitu de lliteratura

La editora y ilustradora Ester Sánchez va esplicanos el procesu d’edición del álbum infantil ilustráu Aleluyas para mi perrito Perico, escritu por Juan José Lage y ilustráu por María Ortiz.

Depués de la presentación y puesta en común, cada participante va recibir una caxa-llibru de papel-art. Pero… ¡Espera! ¡Nun ye namás una caxa! Ye l’empiezu d’un viaxe emocionante onde cada participante va ser l’autor y ilustrador del so propiu álbum infantil, porque dientro d’estes caxes máxiques van tener tolo que precisen pa dar vida a les sos histories: papel, llápices de colores, pintures, pinceles y una imaxinación bien grande.