Circuitu de cultura tradicional asturiana

A la vera de la madriguera onde vive Dientitos hai un albergue de pelegrinos. Al coneyín lláma-y munchísimo l’atención tola xente tan distinto y interesante que llega y marcha. L’atracción va medrando y decide qu’él tamién quier ser pelegrín, pero nun mundu enllenu d’humanos paez que nun hai sitiu pa los coneyos. Un bon día, lleendo un llibru sobre’l Camín de Santiago, descubre al rei Alfonso II, quien foi’l primer pelegrín humanu, entós piensa que ye’l momentu de qu’exista’l primer coneyu pelegrín, y va ser él mesmu: Dientitos, el primer conegrino.

A lo llargo del camín va descubrir, conocer y travesar montes, ríos, pueblos y monumentos asturianos. Y cuando l’andar se fai pesáu, nun hai meyor manera que siguir el camín cantando o baillando, asina’l cuentu incorpora delles actividaes musicales participatives, cosadielles, coreografíes, ocho instrumentos distintos y un repertoriu qu’axunta obres orixinales de composición propia con cantares populares infantiles, asturianos y gallegos.