Proyectu de: Adrián Prada

Esta esposición recrea’l cuartu qu’acueye al artista y establezse como un espaciu natural d’observación, de convivencia y de creación: la neocueva.

L’espectador asiste a un xuegu espositivu guiáu pol compendiu artísticu y identitariu del artista. Espónse una prehistoria fantástica al traviés de pintures, escultures, videu y intervenciones. Una esposición como espaciu de convivencia y xuegu, un espaciu artísticu que, en comparanza col cubu blancu, presenta un percorríu artísticu non-llexítimu.

Adrián dexa la so buelga y habita les muries custodies d’un arte primitivu, desdibuxando la separación col arte contemporaneu.
Una analoxía ente’l grafiti y la pintura rupestre, sobre cómo los grafiteros atopen nel mundu una cueva escomanada onde espresase. Sobre cómo esti códigu inmortal y primitivu, que va de marcar territoriu y crear simboloxía propia, marcó a una xeneración a la que, más que nunca, el mundu-y paez una cueva.