El día 6 d’abril del añu 1917, vienres, la radio del frente volvía anunciar muertos. Ente ellos, el príncipe Friedrich Karl, sobrín del káiser Guillermo y bronce en saltu a caballu na Olimpiada de 1912. El día 6 d’abril del añu 1917, Lenin preparaba la Revolución Rusa. El día 6 d’abril del añu 1917, vienres, Estaos Uníos entraba en guerra.

Pero, sobre manera, el día 6 d’abril del añu 1917, vienres, na posa pa xintar, once trabayadores de la Doyle & Walker Municiones, once munitionettes de manes marielles, empezaben a correr tres d’un balón.