Animalías ye un viaxe al traviés de los sentíos, un universu sonoru emocional, onde les hermanes Sil y Gema Fernández, acompañaes de trés músicos escepcionales, Héctor Tuya, Sergio Pevida y Alfonso Vega, muestren bien d´enerxía, profesionalidá y orixinalidá enriba de los escenarios. Animalías ye un proyectu musical que quier exercer como revulsivu contra la dictadura de la perfección. Reivindica, colos sos cantares, la orixinalidá frente a la homoxeneidá, la rotura de los cánones impuestos, defende la guapura de lo diferente, la vuelta al orixe, la esencia.