Pequeños de cine
Xixón, 26/03/2023 17:30
Cine
Preciu: 4€; Reducíu: 3€ pa socios del Club Cultura Asturies, Pasaporte Cultural, comunidá Uniovi y Carné Mozu Asturies. 1 € menores d’ente 0 y 3 años que nun ocupen butaca.
Venta d’entraes: Llaboral Ciudá de la Cultura, Centru Niemeyer, CITPA, 952 076 262 y Unientradas.es
Duración: 53 min
Llingua: ensin diálogos,n’español y en V.O. en portugués y inglés sotitulada n’español
Existe un cine pensáu pa les audiencies más moces y pal públicu familiar que tien como oxetivu, amás d’ufiertar entretenimientu y contaxar fascinación, ufrir a esti públicu conteníos estremaos, alternativos y innovadores que los dexen medrar como espectadores críticos. Nesta sesión, ideada a costafecha pal públicu infantil y xuvenil, volvemos axuntar obres orixinales y estimulantes enllenes d’idees y encantu, bien d’elles con una trayectoria exitosa en festivales nacionales y internacionales.
Phosphorus de Eduardo Adsuara, Jennifer Belobi, Keilidh Bradley
Duración: 4 min
Añu: 2021
Aprovechando les lluces d’un teatru, un reinu de partícules de polvu bailla al unísonu. Un Sprite tien de sutrucu la oportunidá de ser el protagonista…
L´Enfant et l´Oie de Jade Chastan, Alice Failla, Jérôme Ginesta, Justine Hermetz, Sophie Lafleur, Vincent Lenne
Duración: 2021
Añu: 8 min
Un neñu y un gansu que se faen amigos, embárquense nun viaxe d’aventura y llibertá.
La Sixtina de Juan Camilo Fonnegra
Duración: 9 min
Añu: 2022
Vincho, un habitante de cai y reciclador, dedica los sos díes a recoyer y clasificar toa clas de desechos pa tresformalos na materia de les sos creaciones. Baxo una ponte, trabaya na realización de la so obra maestra: La Sixtina.
Aurora, a rúa que quería ser rio de Radhi Meron
Duración: 10 min
Añu: 2021
Si les cais pudieren falar, ¿qué diríen? Aurora ye una cai triste y solitaria d’una gran ciudá. Nun día de lluvia, alcuérdase de la so trayectoria y sueña col futuru entrugándose: ¿ye posible qu’una cai muerra?
Mora Mora de Jurga Šeduikytė
Duración: 10 min
Añu: 2021
La pequeña Mora fúndese nun mar infinitu. Lo que paez ser una islla resulta ser un pianu flotante, la so salvación transitoria. Al descubrir que pue evocar el vientu al tocar les tecles del pianu, Mora empieza’l so viaxe al traviés d’un mundu llatente, que va intentar espertar según va conociendo les sos característiques.
Franceska de Alberto Cano
Duración: 7 min
Año: 2022
La nueche fría cae sobre’l castiellu vieyu de los Frankestein. Victor, un científicu dispuestu a desafiar a la Ciencia mesma, dispónse a facer el so plan más ambiciosu: devolver a la vida a la so almirada Franceska. Cola collaboración, o non, d’Igor, el so ayudante inestimable y enamoráu, Victor va encarar el mayor retu de la so carrera.
Bottle cap de Marco Spier, Marie Hyon
Duración: 5 min
Año: 2022
El tamañu ye importante pa un cangrexu violinista, ye dicir, el tamañu de les pinces. Y ye un problema pa Shelton. Cuando una tapa de botella de plásticu sustituye a la so pinza escavadora inútil, Shelton cree que ta acabante de convertise nun dios. Pero pa un cangrexu qu’odiaba ser diferente y que, pela cueta, suañaba con ser “simplemente normal”, esti tipu de gloria va tener un costu horrible.