Dellos espacios de la ciudá de Xixón acueyen una edición nueva d’esti eventu que marca’l principiu de la temporada artística nueva cola llegada de la seronda. En cada edición, collaboren na programación les galeríes d’arte de la ciudá y, con elles, otros equipamientos, museos, centros culturales y instituciones, qu’esparden la so programación cultural per dellos puntos de la ciudá.

Les actividaes empiecen al atapecer y rematen pasada la media nueche. Toes elles inspírense nel conceptu orixinal de la Nueche Blanca, eventu que se sofita sobre cuatro pegollos fundamentales: vanguardia, ciudadanía, sostenibilidá y gratuidá. Una nueche pa vivir l’arte y la cultura con formes y llinguaxes estremaos, onde’l públicu va poder disfrutar d’actuaciones musicales, performance, esposiciones, xuegos d’escape en museos, alcuentros con artistes, ponencies, proyecciones, talleres, etc.

Programa completu