Son pocos los iconos de la música que deciden cuntar les coses tal qu’asocedieron. Son poques les persones que se deciden a almitir que los caminos escontra l’éxitu nun son llisos y esplendorosos.

Qu’hai baxaes y xubíes. Que ta bien dexase llevar por otres facetes y que nun pasa nada. O inclusive, diendo acullá, qu’eso a lo que nomamos éxitu puede tener otru sentíu. Puede tratase d’una ruta más personal que midida por estándares ayenos. Laura Pergolizzi (Long Island, 1981), conocida artísticamente como LP lleva esta filosofía consigo y tómase la vida tal que ye y tal que-y vien. El so propiu aspectu ye toa una declaración d’intenciones, anque, de xuru, nun fuera estudiao y seya frutu de la espontaneidá de la cantante y compositora.

La so carrera empezó nel 2001 pero nun foi hasta’l 2016 cuando’l tema Los ton You llevóla a la fama, un himnu al desamor y la decepción. LP nun ye solo cantautora sinón que mientres años compunxo p’artistes como Cher, Rihanna, Backstreet Boys o Christina Aguilera.