Lloñe queda aquel Brilliant Light tan sublime que Loose Music editó nel 2017 y que los llevó al Azkena Rock Festival pa trunfar como lo meyor d’aquella edición. Y ye que la vida dio munches vueltes de magar entós y tamién Danny And The Champions Of The World, que nun pararon, bien colos sos proyectos paralelos o editando un álbum doble en directo, Los Campeones En Vivo, frutu de la grabación del show que’l quintetu ufiertó en Valles, Piloña (Asturies), na so última xira.

Nesti últimu discu, les canciones rezumen esi sabor a Stax y a tola ciudá de Muscle Shoals, n’Alabama. El discu ye una gociada y un homenaxe claru al country, folk, bluegrass, gospel, rhythm & blues y rock.