Amancio Prada en concierto
Cangues d'Onís, 07/07/2022 19:00
Camín de los Santuarios
Programa d’actividaes pa la Conmemoración del 1.300 aniversariu de la Batalla de Cuadonga
Entraes escoses
Cántico espiritual ye la obra más clásica d’Amancio Prada. Cuando n’abril del 1973 presentó en París una primer aproximación musical al poema de San Juan de la Cruz, fíxolo acompañáu de la so guitarra y con Eduardo Gattinoni al violonchelu nun programa de France Culture, Libre Parcours Récital, que se grababa en directo nel Théâtre de la Gaîté-Montparnasse. Cuatro años más tarde, diba estrenar en Segovia la versión «definitiva» pa voz, guitarra, violín y violonchelu.
Dende entós nun dexó de cantar el Cántico en toa clas d’escenarios, siendo mui pronto invitáu a festivales como’l de Música Sacra de Maastricht, el Festival de Ravenna, el Festival Internacional de Santander, la Quincena Donostiarra o’l Ciclu de Cámara y Polifonía del Auditoriu Nacional.
Y asina, de siguío y de manera creciente, hasta güei…. que se celebra na so versión orixinal pa voz, guitarra, violín y chelu, na basílica de Cuadonga, a onde un día daquién llevó un exemplar del Cántico que, por azar del destín o de les xanes, diba llegar años depués a les manes d’Amancio Prada nuna guardilla de París.