Dixebra. Xira 35 aniversariu y presentación del discu Ente la niebla
Pravia, 05/10/2024 22:00
Música
Circuitu de música
![Dixebra. Gira 35 aniversario y presentación del disco Ente la niebla](/uploads/fotos/ERxbQSfdm6eTjyqCrNxayJHJi4XvjxSB.jpg)
Temática: rock, folk
Dirixíu a: públicu adulto
Duración: 90 minutos
Dixebra celebra’l so XXXV aniversariu con una xira de conciertos en directo nos que va presentar el so trabayu nuevu Ente la niebla.
Ente la niebla ye un llibru-cd onde collaboren periodistes, escritores, profesores, historiadores, ilustradores y dibuxantes, que reflexonan sobre’l pasáu, presente y futuru de les clases trabayadores y populares asturianes. Incluye venti temes d’estilos y soníos diversos, siguiendo la filosofía musical de la banda.
Un 6 de xineru de 1987 ensayaben pela primer vez los componentes d’una banda de rock a la que diben llamar Dixebra, naquel momentu nacía una de les formaciones más importantes y influyentes del panorama musical asturianu. Los oxetivos colos que nacía taben claros: facer un rock comprometíu con Asturies, tanto nes lletres como na so actitú como grupu. Hasta’l momentu, tienen publicaos quince discos.
Podemos definir l’estilu Dixebra como un soníu fuerte con un mestizaxe musical bien ampliu, influenciáu pola música tradicional y con testos comprometíos en llingua asturiana.