Circuitu d´actividaes d´artes escéniques

Metémonos nel mundu de la cocina de la mano de la chef francesa Chanel, de muncha sonadía. Ella, mano a mano col pinche de cocina tan particular que tien, Pierre Chocolat, va aprender a los neños los meyores vezos tocante a l´alimentación pa llevar una vida saludable. Chanel va amosar, d´una manera cenciella, la maña que gasta cola cocina, anque tamién va tener qu´aprende-y al so collaborador, mui nuevu él, dalguna d´estes mañes y trucos.

Obra didáctica dirixida al públicu familiar, tres histories onde se-yos fala de cómo hai qu´avezase a comer alimentos bonos y a cuidar la hixene tanto a los más pequeños como a los que nun son tan pequeños. Too contao con xuegos, bailles y cantares onde toos van poder participar.