Últimos VídeosNoticies

Convocatoria Circuitu Música xineru – xunu 2023

Música

Convocatoria pa la selección de propuestes y posterior programación de dellos circuitos que contribuyan a la promoción y dinamización de distintes disciplines artístiques y culturales nel Principáu d’Asturies

La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección de proyectos artísticos y culturales y ellaboración de dellos catálogos dixitales que valgan como base pa la programación posterior de dellos espectáculos y actividaes, que van ser representaos o exhibíos en  sales o espacios culturales allugaos en conceyos del Principáu d’Asturies del 23 de xineru al 30 de xunu del 2023.

Ta prevista la ellaboración d’un catálogu dixital por caúna d’estes disciplines:

a)     Proyectos d’artes escéniques. (Tolos proyectos artísticos que se presenten han tar incluyíos nel Catálogu de l’Actividá Escénica asturiana de calter profesional)

b)     Proyectos musicales. (Tolos proyectos artísticos que se presenten han tar incluyíos nel Catálogu de l’Actividá Musical asturiana de calter profesional)

c)      Proyectos lliterarios.

d)     Proyectos de divulgación de la historia, l’arqueoloxía, el patrimoniu, la cultura popular y la tradición asturiana.

Nesta convocatoria establécense les bases y requisitos que van rexir el procedimientu pa la selección de los espectáculos o actividaes que van integrar los catálogos dixitales con respetu a los principios de publicidá, llibre concurrencia y oxetividá.

La solicitú, xunto cola documentación riquida, ha presentase esclusivamente al traviés del rexistru creáu al efectu, accesible al traviés de la URL http://panel.asturiesculturaenrede.es a partir del miércoles 9 de payares del 2022 a les 12:00 h.

Nun se van almitir propuestes que se remitan al traviés d’otres canales.

La hora y fecha tope de presentación de les solicitúes van ser les 23:59 hores del llunes 28 de payares del 2022.

N’acabando’l plazu de solicitú, la plataforma va quedar inhabilitada pa facer cualquier tipu de cambéu na documentación presentao hasta que la convocatoria se resuelva.

 

Descargar les bases completes equí.

Descargar los anexos a la convocatoria equí.

Descargar la composición del Comité de valoración equí.

Slide 2